Tepişteyanê PAJKî  bi wesîleya  8ê Adare Roja Cinîyan ê Kedkaran a Dinya mesajêk pare kerd. Tepişteyan hemlaya 'Bi Jin Jiyan Azadî ver bi Şorişê Cinîyan' a KJKyî silam kerd û vat:

''Xeyrê têkoşînê Rayber Apoyî têkoşînê cinîyan ê azadîye ewro hend averşîyo û şexsê cinîyan de komel resayo 'XWEBÛN' ke xoserîya ci ya heqîqetî ya. Rayber Apoyî çîyê ke rayberanê têkoşînê sosyalîzmî derheqê cinîyan de kêm verdayî, ercnayî û cehd kerd ke nînan bi zanayîşê jineolojî temam bikero. Rayber Apo vano komel têna bi çareserkerdişê meseleya azadîya cinîyan eşkeno bibo azad.  8ê Adare yena manaya têkoşînê bimana ê cinîyan û sereçewtnêkerdişê cinîyan. Tewr peynî de Şorişê Cinîyan ê Rojawanî de karektero raşt ê cinîyan ame vînayene. Şorişê Cinîyan ê Rojawanî ke bi keda pîle ya Rayber Apoyî ame kerdene merdimîye têkoşînê azadîye de kirişt serkêşîya unîversale.

Her cayê dinya de sîstemî tim hetê zîhnîyetê nêrî ra yenê îdarekerdene. Nê zîhnîyetî tim cinîyî semedê xo sey tehluke hesibnayî û kerd ke sereyê ci bieciano. Cinîyan tim vera nê zîhnîyetî têkoşîn kerd û no têkoşîn heta ewro ard. Qewimîyayîşê Kurdîstan û dinya reyna mojnenê ke têkoşîno rêxistinkerde senî muhîm o. Têkoşînê Azadîye yê Cinîyan ê Kurdan û îdeolojîya ci ganî raşt bêro famkerdene û bi ruhê kolektîfî cinîyan dinya reyde îtîfaqî bêrê ronayene.

Bi wesîleya 8ê Adare ma eşkenê paştdîyayîşê mexdûranê erdlerzî zî girdêr bikerê. têkoşîno ke Clarayan ra heta Sakîneyan û heta roja ma dewam keno sîstemê zîhnîyetê nêrî betal kerd. Sey her cayî zîndananê dewleta tirka faşîste de zî têkoşînê ma dewma keno. Ma sey tepişteyanê PKK  û PAJKî bi wesîleya 8ê Adare heme cinîyan silam kenê. Sara, Zîlane, Bêrtîtane, Melsa, Avzeme, Binevşe, Evîne Goyî û Raperîne Amedan  êyê ke wexto ke têkoşînê azadîye rayra berdene ameyî qetilkerdene, bihurmet û minetî yad kenê, hemlaya înşayî silam kenê, heme cinîyan şorişgêran rê pîroz kenê û semedê girdkerdişê têkoşînê vera zîhnîyetê nêrî veng danê.''