Amargî Zîlda (Bahar Uçak) Malazgîrtî ra bîye. Serra xo ya ciwane de zîndanê Tirkîya dîyî la uca ra xo resnaye koyan. Cîlo ra heta Başûrî uca ra zî verê xo da Erziromî. Pêro emrê xo yê têkoşînî de Amargî tim şîye serê dişmenî.
Bahare Uçak (Amargî Zîlda) sey roşnîyêke bîye ke verê xo dabi koyan û tim beriqîyayêne. Serra 2019î de Çewlîg de şerê vera hêzanê dewleta tirkî de bi çêrî şer kerd û tewrê karwananê bêmergan bîye ke seba aye vatêne, ''No têna destpêkerdiş o''
Amargî Zîlda hezîrana 1995î de Malazgîrt de ameye dinya. Serra xo ya ciwanîye de fam kerd ke dibistane sîstemî nêeşkena çîyêk bimusna aye fek ci ra verda û seba tewrbîyayîşê azadîye kewte rayîr. Labelê kewte destê dişmenan û ameye tepiştene. Wextêkê dergî zîndan de mende. Amargî vera pêro metodanê dişmenî yê ke xîret kerdêne ke a rayîrê ci ra biaçarnê agêrayîşe xo yê azadîye dewam kerd. Mabênê çar dêsan de bedenê dişmenî parçe kerd, zîndanî ra vejîyaye û verê xo da Cîlo.
Waya xo ya şite reyde heman kampe de mende. Kendalanê Kela Perîhane de ke vatêne ''Ez tede xo vînena'' mîyanê serdî reyna bîye aşiqa koyan û embazanê xo. Pê hêsîyaye ke bîye pîl û vat ''Hînî wextê qesasî yo.'' û gêraye koyanê Vakurî. Bi vatişê ''Seba ke heqê şita dadîyan şona'' verê xo da Vakur. Koyanê Erziromî yê ke bi vewre xemîlîyabî gêraye varanî û dişmenan ser o varaye. Rojêka germe de rastê fîşekanê serdan ameye. Fermandare Şevîne Bîngol vera dişmenî bi hêza xo şêr kerd. Fermandare Şevîne û şerwane Amargî heta fîşekê xo yê peyênî vera zaliman şer kerd.
