Têgêrayîşê Cinîyan ê Azadan (TJA) pê şîarê 'Vera qirkerdişê cinîyan, nîjadperestîye, şer û tecrîdî ma ver bi azadîye şinê' Parka Aşik Veyselî yê Sultan Gazîyî de cinîyan reyde ame pêser. Endamê Meclîsê Cinîyan ê HDPyî, Wekîla HDPyî ya Agirî Dîlane Dîrayet Taşdemîr, Wekîla Amedî Semra Guzel, Wekîla Îzmîrî Serpîle Kemalbay, Hemsereka HDPyî ya Îstanbulî Elîfe Bulut, Endamê Komeleya Wextê Cinîyan, temsîlkarê dezgehanê sivîlan û xeylêk cinîyî tewrê kombîyayîşî bîyî.

Cinîyan rixmê ablûqaya polîsan zî pê sloganê 'Biciwîyo xoverdayîşê zîndanan', 'Tecrîdî biqedînê', 'Ma kurd ê', 'Cinîye, Cuye, Azadîye' govende girewte. Aktîvîsta TJA Zekîye Îlbasan eşkerayîye ra verî bale ante tecrîdê Îmraliyî ser û vat: ''Wa tecrîd cade bêro wedaritene.''

Hemsereka HDPyî ya Îstanbulî Elîfe Bulut vat: ''Ma cuyêka têdûşte û haştîyane wazenê. Waştişê cinîyan edalet o. Şer netîceya îqtîdarê camêrdan o.'' Semra Guzel zî semedê têkoşînî veng da.

Endama TJA Eyleme Sarica eşkerayîye wende û vat: ''Cinîyî Afganîstan de vera Talîbanî, Rojawan de vera DAÎŞî estbîyayîşê xo pawenê. Wa cinîyan ra bitersê çunke wext wextê azadîye yo.Cinîyî do ser bikewê.''