Têgêrayîşê Cinîyan ê Azadan (TJA) bi wesîleya 1ê Êlule Roja Haştîye ya Dinya eşkerayîyêka nuştekîye daye. Eşkerayîye de vera tecrîd, nîjadperestî û cînsîperestîye mesajê pîlkerdişê têkoşînî ame dayene.

Mesajê TJA bi kilmî wina yo: ''Şer têna gonî ya, kiştişê nasnameyî yo, vêşnayîşê xoza, vêşan verdişê domanan, qetilkerdişê cinîyan o. Eke destê dewlete û camêrdanê serweran de çeke estba cinîyan de zî hêvîya haştîye esta. Coka vera tecrîd, nîjadperestî û cînsîperestî qîrayîşo tewr xurt waştişê haştîye yê cinîyan de nimiteyo.

Ma sey cinîyan mexdûrê tewr pîlî yê şer ê. Ma mejbûrê ke pê mesuldarîya rêxistinkerdişê tekoşînî sey tim  waran de bikerê. Waştişê ma yê 'cuya azade' ya ke mîyanê tarîtîya tecrîdî de yena fatisnayene, pê têkoşînê rêxistinkerdeyî mumkîn a. Biciwîye Haştîye. Cinîye Cuye Azadîye.''