Têgêrayîşê Cinîyan ê Kurdan ê Ewropa (TJK-E) Gulere Yurdakul (Delale) şaristanê Malmedyî yê Belçîka de şehîd bîye. Eşkerayîye wina dewam kena: ''Embaze Delale nefera destpêke ya wayûbiratîya şaran bîye. Ma do pê servistişê rayîrê ci cewab bidê şehadetê ci. Embaze Delale 1960 de dewa Cîbînî ya qezaya Xalfetî ya Riha de dadîya xo ra bîya û lîse de Apogîrî şinasnayî. Aye fam kerd ke xeta demokrasî, sosyalîzm û azadîye xeta Apogîran a û wina tewra têkoşînî bîye. A 1980 de Mehmet Karasungur û Halîl Îbrahîm Bîlgînî reyde ameye destbendkerdene. Darbeya 12ê Êlule ra dima zî Dîlok de dezt pê karî kerd.

A û 3 embazê ci 1981 de ameyî esîrkerdene. Embaze Guler û Sakîne Cansiz heman zîndanî de mendî. Îşkenceyî ra mezgê ci zerar dibi û tedawî ra dima têkoşînê xo rê dewam kerd. Embaze Gulere 1990 de mîyanê komelê kurdan ê Ewropa de seba vilakerdişê kulturê xoverdayîşî û welatperwerîye xîret erd. Nê serran de a semedê mezgê xo xeylêk reyî amelîyet bîye.

Embaze Gulere mabênê 1995-2000î de koyanê Kurdîstanî de têkoşîn kerd la nêweşîya xo ya mezgî ra semed 2000 de ameye Ewropa. Embaze Gulere her çiqas pê nêweşîya ALSyî kewte zî tim paştî daye têkoşînê azadîye. 

Ma do qerardarîya azadîya cinîyana ke embaze Delale temsîl kerdêne bîyarê ca. Heta ke kolonyalîstî Kurdîstanî ra def bibê û faşîzm çin bibo ma do têkoşînê xo rê dewam bikerê. Ma do bibê teqîbkerdoxê qerardarî, hesret û îdîaya şehîdan û kedkara têkoşînê ma ya azadîye şehîde Delale.''