Têgêrayîşê Cinîyan ê Kurdan ê Ewropa (TJK-E) netîcenameyê kongreya xo ya 6. eşkera kerd ke 17-20ê hezîrane de amebî kerdene. Kongre bi şîarê 'Azadîya Rayber Apoyî azadîya ma ya' dîyarîya Delale, Hêvî û Denîze Poyraz ameye kerdene.

Netîcename de ame vatene ke ê do vera tecrîdê Îmraliyî têkoşîn bikerê. Netîcename de hêrişê dewleta tirke yê vera Başûr, Şingal, Vakur û Mexmûrî ameyî vîrvistene û xoverdayîşê gerîlayan rê paştîye ameye dayene. Cinîyan pare kerd ke ê do Hemleya 'Vera qirkerdişê cinîyan komelê azadî û cinîya azade bipawê' ser bifinê.

Kongre de nê birî ameyî girewtene:

''-Azadîya Rayber Apoyî rojdemo verên ê TJK-E yo. 

-Vera polîtîkayanê qirkerdiş û îşxalî pê şîarê 'Gerîlayê xoverdayoxî rûmetê ma yê cinîyan ê kurdan o' têkoşîn do bêro pîlkerdene.

-Hemleya 'Wextê Azadîye' û Hemleya 'Vera qirkerdişê cinîyan komelê azadî û cinîya azade bipawê' her ca de do bêrê caardene.

-Seba ke PKK lîsteya terorî ra bêro vetene têkoşîn do bêro pîlkerdene.

-Têgêrayîşanê cinîyan ê dinya reyde têkoşîno hempar do bêro kerdene.

-Pêro karan û xebatan de ruhê Sêvê, Pakîze, Fatma, Asya û Mehmet Tûncan do bibo esas.

- Seferberîya 'Her cinîye ganî xo rêxistin bikera, bêra rêxistinkerdene' do bidîya destpêkerdene. Sîstemê hemserekîye do bêro pawitene.

-Karê ziwanê dayîke do sey karê îdeolojîkî bêro ercnayene û kerdene.

-Derheqê têkoşînê vera şîdetê serê cinîyan û femînîcîdî de panel, semîner, perwerde û kampanyayî do bêrê kerdene.

-Vera berdel, zewajê bizorî, zewijnayîşê domanan, şîdetê zereyê keyeyî û zafzewajî, fuhuş, tacîz û tecawuzan têkoşîn do bêro kerdene.

-Seba cinîyanê mexdûranê şîdetî yewinê vera şîdetî do bêrê awankerdene.''