Têgêrayîşê Cinîyan ê Kurdan ê Ewropa (TJK-E) çalakîyê 8ê Adare Roja Cinîyan ê Kedkaran a Dinya selam kerdî.

TJK-E eşkerayîya xo de pare kerd ke 8ê Adare de hêz, rêxistin û perspektîfê xopawitişî yê têgêrayîşê cinîyan ê kurdan hetê cinîyanê dinya ra hîna zaf ameyî dîyene û nika ra pey zî cinîyê kurdî ver bi 'şorişê cinîyan' şorê. TJK-E da zanayene ke cinîyê kurdî Almanya, Fransa, Swîsre, Belçîka, Hollanda, Îngilîstan, Avusturya, Swêd, Danîmarka, Norwêc û Fînlandîya, Kanada, Kibris û Avusturalya de herikîyayî waranê 8ê Adare.

TJK--E vat: ''Sloganê 'Cinîye, Cuye, Azadîye' pêro Ewropa de ame qîrayene ke ney hem ma sereberz kerdî hem zî mesuldarîya ma zêdînaye. Ma do pê ruh û coşê 8ê Adare Newroze fîraz bikerê. Nika wext wextê azadîye yo, wext wextê cinîyan o.''