Têgêrayîşê Cinîyan ê Kurdîstanî yê Ewropa (TJK-E) kombîyayîşê xo yê mîyanê serre kerd û xebatê xo yê serre ercnayî.  Netîcenameyê kombîyayîşî de ame vatene ke kombîyayîş bi hedefê 'têkoşînê vera qirkerdişê cinîyan, îşxal û faşîzmî bêro gêşkerdene û sîstemê îşkence û esaretî yê Îmraliyî bêro şiknayene' ame kerdene. Konferans dîyarîya Aysele Dogan û şehîdanê Zap û Avaşînî ame kerdene.

Netîceya konferansî de nê birî ameyî girewtene:

-Temamîya dinya de bi beşdarîya cinîyan kampanyaya 'Seba Abdullah Ocalanî 1000 cinîyan 1000 rayan' do bêra kerdene.

-Bi nameyê 'Rayber Apoyî reyde ma ver bi azadîye şinê' 9ê teşrîna verêne ra heta 4ê nîsane çarçewa Hemleya Wextê Azadîye de çalakîyî do bêrê kerdene.

-Vera polîtîkayanê îşxal û qirkerdişî bi ruhê pîlî yê têkoşînî, bi şîarê 'Biciwîyo xoverdayîşê gerîlayan' prosesê çalakîyan do bêro gêşkerdene.

-Vera şuxilnayîşê çeka kîmyewîye warê mîyanneteweyî de xebatî do bêrê kerdene.

-Çarçewa Hemleya 'Vera qirkerdişê cinîyan wext wextê pawitişê cinîya azade û komelî yo' de seba awankerdişê komelî serkêşîye do bêra kerdene, vera polîtîkayanê qirkerdişê cinîyan têkoşînêko aktîf do bêro kerdene.

-Seba ke PKK lîsteya terorî ra bêro vetene têkoşîn bêro gêşkerdene. Nê esasî ser o ganî torrê paştdayîşî yê mîyanneteweyî bêrê viraştene, şexsê Têgêrayîşê Azadîye yê Kurdan de vera polîtîkayanê krîmînalîzekerdişî xebatî do bêrê kerdene.

-Seba ke îradeyê cinîyan her warî de vejîyo werte ganî xebatê awankerdişî bêrê geşkerdene, xebatê meclîs, komun û înîsîyatîfî bi ruhê xoverdayîşî yê Sêvê, Pakîze, Fatma, Asya û Mehmet Tûnçan bêrê esaskerdene.

-Seba ke komel bêro demokratîzekerdene û sîstemê hemserekîye bêro xorinkerdene vera pederşahîye û seksîzmî têkoşînêko radîkal bêro esaskerdene.''