Têgêrayîşê Cinîyan ê Kurdan ê Ewropa (TJK-E) derheqê Qirkerdişê Parisî de eşkerayîyêka nuştekîye daye.

Eşkerayîye de ame parekerdene ke Qirkerdişê Parisî yê 9ê Çeleyê 2013î de hîrê cinîyê şorişgêrî Sakîne Cansiz, Fîdane Dogan û Leyla Şaylemez ameybî qirkerdene û serrgêra nê qirkerdişî de 23yê kanûne de zî reyna hetê dewleta tirke ra 3 kurdî ameyê qirkerdene. TJK-E da zanayene ke mesuldara wird qirkerdişan zî dewleta Fransa ya.

TJK-E pare kerd ke şarê kurdî do meydanan nêterikno û hesabê nê qirkerdişan biperso. TJK-E vat: ''Ma do 7ê çeleyî de Paris de bi rayraşîyayîşêkî bivisnê vîrê dewleta Fransa ke mesuldarîya ci nê wird qirkerdişan de est a. Sey her serre emser zî ma venga şarê xo, pêro cinîyan û dostanê xo danê ke tewrê nê rayraşîyayîşî bibê. Ma vengê xo û îradeyê xo yew bikerê û waştişê xo yê edaletî biqîrê.''