Têgêrayîşê Cinîyan ê Kurdan ê Ewropa (TJK-E) derheqê hêrişanê îşxalî yê dewleta tirke û hemkarîya PDKyî de eşkerayîyêka nuştekîye daye. 

TJK-E da zanayene ke hêrişê îşxalî yê dewleta tirke vera azadîya cinîyan û seba îşxalê pêro Kurdîstanî yê. TJK-E îfade kerd ke dewleta tirke do hetê xoverdayîşê gerîlayan ra bêra binkerdene.

TJK-E vat: ''Vera hêrişanê îşxalî, sey şarê kurdî ganî ma waran de seba heqê pawitişî û cuya azade vejîyê werte. Senî ke gerîlayî û şarê ma yê Kurdîstanî têkoşînêkê pîlî kenê, kurdîstanijê ke Ewropa de ciwîyenê seba ameyoxê xo yê azadî wa vejîyê waran û vera hêrişan tewirê xo bimojnê.

Cinîyê kurdî ganî Ewropa de bi şîarê 'Seba Welatî' vejîyê waran. Ma ganî wayîrê Şingalî û her cayê Kurdîstanî bipawê. Ma ganî çalakîyanê demkî û radîkalan bikerê. Bêrê ma vera polîtîkayanê qirkerî yê dewleta tirke vindarnê.''