Têgêrayîşê Cinîyan ê Kurdan ê Ewropa (TJK-E) derheqê hêrişanê îşxalî yê vera Zap, Metîna û Avaşînî de eşkerayîyêke daye.

Eşkerayîye bi kilmî wina ya:

''Seke rayaumûmîye zî teqîb kena şewa 24ê nîsane de dewleta tirke ya faşîste vera waranê Zap, Metîna û Avaşînî yê Herêmanê Pawitişî yê Medya hêrişê îşxalî yê neweyî dayî destpêkerdene.Nê hêrişî têna gêrîlayan nê sîstemê alternatîfo ke wazeno Rojhelatê Mîyanênî de  kurdanê azadan, cinîyan ê azadan, şexsanê azadan û komelê azadî biaferno hedef kenê.

No şar nêmseserre ra nata pê  gerîlayan estbîyayîşê xo mojneno, nasname û rûmetê xo pê înan îfade keno. Nika ma prosesêkê zaf hesasî ra derbaz benê ke dewleta tirke ya faşîste û hêzê serdestî wazenê sey nêmseserreya bîne  kurdî maruzê qirkerdişan bibê. Coka Amerîka bira derheqê kadroyanê rayberan ê têgêrayîşê azadîye kerde newe. Naye ra ma hêrişanê vera Xakûrke, Haftanîn, Garê, Zap, Metîna û Avaşînî sey hêrişanê vera destkewteyanê kurdan û cinîyan ê azadan hesibnenê.

Xoverdayîşê vera nê hêrişanê îşxalî têna yê gêrîlayan nê mesuldarîya pêro kurdan, cinîyan, sosyalîstan, şaranê herêmîyan û rayaumûmî ya ke vanê 'Ez wazena bi rûmet û azadî biciwîya.' Şarê ma yê Ewropa û cinîyan ê kurdan bi des serran rêxistinîye pawite, welatperwerîye gandar verdaye, welatî reyde têkilîya xo nêbirnaye. Ewro zî wextê ci yo ke ma pê Hemleya 'Wextê Azadîye' wurzê payan ser, nê xoverdayîşî temam bikerê, xîretanê peyênan ê dewleta tirke pûç bikerê. Seba serkewtişê Hemleyanê 'Wextê Azadîye' û 'Ma pîya faşîzm bin bikerê' ganî ma tewrê çalakîyan bibê. Nê esasî ser o ma venga şarê xo yê Ewropa, cinîyan ê kurdan, rayaumûmîya demokratîke, femînîstan danê ke wa vejîyê meydanan û xoverdayîş pîl bikerê.''