Têgêrayîşê Cinîyan ê Kurdan ê Ewropa (TJK-E) derheqê qirkerdişê Konya de eşkerayîye daye û nê vatî:

''Qezaya Meramî ya Konya  bi destê îqtîdarê AKP-MHPyî qirkerdişêk ame kerdene. Seba ke kurdî verê hêrişanê qirkerdişî de milê xo çewt nêkenê hedefê îqtîdarî de yê. Bi metodanê DAÎŞî Konya de eynî keyeyî ra 7 kurdî ameyî qetilkerdene. Nê hêrişkaran ke 12 gulane de zî hêrişê nê keyeyî kerd bi seba ke qirkerdişê xo temam bikerê bi îdîyaya kêmîya delîlan ameybî veradayene.

Nê hêrişê ke demo peyên de Sakarya, Afyon, Ankara û Konya de ameyî kerdene hêrişê grûbanê nîjadperestanî ra wetêr ê. Nê hêrişê plankerde yê rejîmê tirkî ye ke semedê çokdayîşê kurdan yenê kerdene. Ma nê hêrişanê organîzekerdeyan nêzdî ra nas kenê. Îqtîdaro ke her çîyê xo semedê qirkerdişê kurdan xerc keno bajaranê Tirkîya de vera kurdan şer dayo destpêkerdene.

Pê nê hêrişan wazenê kurdî verê înan de çok bidê û ci rê bîat bikerê. Vatişê hêrişê nîjadperestî û  û manîpulasyonî do hersê ma cinîyan ê kurdan kêm nêkero. Ma hersbîyaye yê û do nînan efû nêkerê, hêsabê ci bipersê. Ma zanê ke îqtîdar tersê xo ra hêriş keno. Ma do nê îqtîdarê destgonîn ra hesabê heme kurdanê ke ameyî qetilkerdene bipersê. Ma veng danê heme cinîyan ke wa semedê hesabpersayîşî vejîyê waran.''