TJK-E 12ê gulane de çarçewa Hemleya 'Hemkarîye rê bes o, wextê azadkerdişê Rayber Apoyî yo' de xeylêk şaristananê Ewropa de do çalakîyan bikera. TJK-E venga pêro kurdîstanijan da ke wa tewrê çalakîyan bibê.
Têgêrayîşê Cinîyan ê Kurdan ê Ewropa (TJK-E) pê eşkerayîyêke da zanayene ke dewleta tirke ya îşxalkere kurdanê azadan, xeta azadîye ya cinîyan kena hedef û venga pêro kurdan da ke tewrê çalakîyanê 12ê gulane bibê.
TJK-E ard ziwan ke hêzê hegemonîkî wazenê felsefeya Rayberê Şarê Kurdî Abdullah Ocalanî û PKKyî biqedînê. TJK-E vist vîrî ke Abdullah Ocalan binê tecrîdî de yo û tewr peyên 25ê adare de birayê xo reyde pê telefonî qisey kerd. TJK-E bale ante hêrişanê îşxalî yê vera Zap, Metîna û Avaşînî ser û pare kerd ke hêrişê vera gerîlayan yeno manaya caardişê konseptê şerî yê vera çar parçeyanê Kurdîstanî.
TJK-E vat: ''PDK zî linga bêbextîye ya nê hêrişan a û hemkarîya dişmenî keno. Nê hêrişî vera destkewteyanê kurdan û xeta azadîye ya cinîyan yenê kerdene. Têna gerîlayî nê ganî pêro kurdî cewabê nê hêrişan bidê. Eke gerîlayî koyan de şer kenê ganî ma zî kuöeyan de têkoşîn berz bikerê û wayîrê azadîya xo vejîyê.
Nika wextê ci yo ke ma çarçewa Hemleyanê 'Wextê Azadîye' û 'Ma do pîya faşîzmî bin bikerê' de têbigêrê. Nê esasî ser o ma venga pêro cinî û ciwananê kurdan, rayaumûmîya demokratîke, femînîstan û kesayetan danê ke xoverdayîş pîl bikerê.''
Bernameyê çalakîyanê 12ê gulane wina yo:
Fransa-Strasbourg, 1 Aveneu de Conseil de L’Europe, Saete: 12.00
Belçîka-Bruksel, Place de Luxemburg, Saete: 13.00
Danîmarka-Kopenhag, Nytorv Kobenhavn, Saete: 16.00
Swêd-Stockholm, Åhléns/Drottninggatan, Saete: 17.00
Îngilîstan-London, 10 Dawning Street- Verê Serekwezîrîye, Saete: 13.00
Almanya-Dusseldorf, DGB Haus, Saete: 17.00
Norweç-Oslo, Untenriksdepartement 7- Juniplassen,Saete: 16.00
Avusturya-Viyana, Verê Neteweyan ê Yewbîyayeyan UNO, Saete: 15.00
