Têgêrayîşê Cinîyan ê Kurdan ê Ewropa (TJK-E) vera darbeya Meclîsê Tirkîya eşkerayîyêka nuştekîye daye.

Eşkerayîya TJK-E wina ya: 

''Dewleta TCyî pê mekanîkê darbe ronîyaye û 100 serran ra nata welat pê darbeyan îdare beno. Na dewlete ra tewr zêdêr kurdanê ke vanê 'Xoverdayîş cu ya' darbe werde. Leyla Guven vera tecrîdê Rayberê Şarê Kurdî Abdullah Ocalanî serra 2018î de çalakîya grevê vêşanîye kerd. Ewro şexsê Leyla Guven de cinîyanê kurdan ra qesas yeno girewtene.

Ma venga şarê kurdî, cinîyan ê kurdan, femînîstan, çepgîran, demokratan danê ke tewrê çalakîyanê 6ê hezîrane bibê ke do pê şîarê 'Her roje çalakîye her roje Kurdîstan' yenê kerdene. Îradeyo ke vano 'xoverdayîş cu ya' do ser bikewo, faşîzm do çin bibo.''