Têgêrayîşê Cinîyan ê Kurdan ê Ewropa (TJK-E) bi eşkerayîyêke kişîyayîşê Edîtora Kovara Jineolojî Nagîhane Akarsel şermezar kerd û seba çalakîyanê lezabezan veng da.

TJK-E vat: ''Rejîmê AKP-MHPyî yê faşîstî û cergê xayînî PDKyî Silêmanî de edîtora Kovara Jineolojî Nagîhane Akarsel bi barbarî qetil kerde. No serebût dewamê Qirkerdişê Parisî û qirkerdişê Şukru Serhatan, Mehmet Zekî Çelebiyan o. Ma nê hêrişî şermezar kenê.

Bi rojan o pêro dinya de sloganê 'cinîye, cuye, azadîye' qirîyeno. Cinîyî vera serdestîya camêrdan wurzenê we. Dewleta tirke ya faşîste û hemkarê ci PDKyî Silêmanî de hêrişê serkêşanê cinîyan ra yew kerd. No hêriş vera xeta azadîya cinîyan, xeta îdeolojîke ya cinîyan ame kerdene û parçeyêkê konseptê îmha yê vera têgêrayîşê azadîye yê kurdan, hêrişê vera jineolojî yo.

Nagîhane Akarsel pê nuşteyanê xo cinîyan rê berê neweyî akerdbî. Nameyê TJK-E sero ma do hêrsê xo ganî verdê, xoverdayîşê xo mende bikerê, seba vîrameyîşê aye têkoşînê azadîya cinîyan bizêdînê.

Ma venga rêxistinanê cinîyan, bi taybetî cinîyan ê kurdan danê ke bi sloganê 'cinîye, cuye, azadîye' vejîyê waran û her ca de nêrazîbîyayîşê xo bimojnê.''