TJK-E: Bloko faşîst ê AKP-MHPyî Kurdîstan de bi hêrişanê xo û polîtîkaya îmha, kulturê tecawuzî yê sîstemê serdesîya camêrdan dano ciwîyayene. Ma venga her kesî danê ke vera nê kulturê dewlete xo ver bido.
TJK-E derheqê serebûtanê tecawuzî de eşkerayîyêke daye.
Eşkerayîye wina ya:
''Bloko faşîst ê AKP-MHPyî Kurdîstan de bi hêrişanê xo û polîtîkaya îmha, kulturê tecawuzî yê sîstemê serdetîya camêrdan dano ciwîyayene. Erdogan û terefgîrê ci dişmenîya xo ya verdan kurdan têna bi îşxalan nê bi polîtîkaya tecawuzî ya leşkeranê xo zî mojnenê. Êlih de Musa Orhan bi hawayêkê sîstematîkî tecawuzê cinîyêke kerd û vat 'mi rê çîyêk nêbeno.' Soyluyî zî wayîrê ey vejîya û Musa Orhan ame veradayene. Dima zî Wan de efserêkî domanêka 17 serre rê tecawuz kerd. Nê pêro mojnenê ke polîtîkaya tecawuzî ya dewlete ha dewre de ya. Hedefê Erdoganî de cinî û şarê xoverdayoxî estê.
Paradîgmaya azadîya cinîyan a Rayberîye bîye unîversal û hêvîya dinya. Erdogan û faşîzmê ci do vera têkoşînê cinîyan ê kurdan bin bikewê. Ma sere de cinîyan ê kurdîstanijan venga her kesî danê ke vera kulturê tecawuzî yê dewlete xo ver bidê.
Pê xoverdayîşê cinîyan merdimîye do ser bikewa.
Bêvengîya vera kulturê tecawuzî hemkarîya ci ya.
Tecawuz polîtîkaya dewlete ya Erdoganî ya!''
