TJK-E: Wexê pîlkerdişê têkoşînî yo

TJK-E da pêhesanyene ke siba (24ê êlule) de pêroyê Ewropa de semedê Jîna Emînî û şarê Rojhelatî çalakîyî do bêrê kerdene û semedê tewrbîyayîşî veng da.

Têgêrayîşê Cinîyan ê Kurdan ê Ewropa (TJK-E) bi eşkerayîya nuştekîye da zanayene ke siba (24ê êlule) de pêroyê Ewropa de semedê Jîna Emînî û şarê Rojhelatî çalakîyî do bêrê kerdene û semedê tewrbîyayîşî veng da.

Eşkerayîye de ame vîrvîstene ke badê qetilkerdişê Jîna Emînî Rojhelat û Îran de şarê serwedaritiş pede pede bi gird û vila bi û nê ameyî  vatene: ‘’Nê çalakîyan de slogana Jin, Jiyan, Azadî bîye pusulaya rayîrî.  Na slogane sey deyîrêke vana; mi têna meverde. Ma sey Têgêrayîşê Cinîyan ê Kurdan ê Ewropa yew hewte yo kenê ke pê çalakîyanê xo bibê vengê Jîna.  Ewro ra tepîya zî do çalakîyê ma pîya bi têgêrayîşanê bînan ê cinîyan dewam bikerê. Na çarçewe de ma do 24ê êlule (siba) pêroyê Ewropa de vejîyê kuçeyan. Ma veng danê heme kurdîstanijanê ke wa tewrê çalakîyan bibê. Şima hinî nêeşkenê cinîyan vindarnê. Lemê gijikê Jîna bîyî çîqê têkoşînê Rojhelatî. Nika wextê paştdayîş û girdkerdişê nê têkoşînî yo.’’