3ê tebaxa 2014î de çeteyanê DAÎŞî Şingal de Qikerdişê Ezidîyan kerd. Bi wesîleya serrgêra 8. ya qirkerdişî serêkîşya Têgêrayîşê Cinîyan ê Kurdan ê Fransa (TJK-F) de do aktîvîteyê yadkerdiş û protestoyî bêrê kerdene.

TJK-Fyî vat: ''Hêzê zîhnîyetê serdestan DAÎŞî 3ê tebaxa 2014î de hêrişê Şingalî kerd. Bi hezaran êzidîyî ameyî kiştene û bi hezaran cinî û domanî ameyî remnayene û bazaran de ameyî rotene. Bi se hezaran kesî erdî xo ra bîyî. Cinîyan vera hêrişan bi rêxistinbîyayîşî têkoşîno tarîxîyî da. Cinîyê ke vizêr raştê qikerdişan ameyêne û bazaran de sey koleyan ameyêne rotene nika qederê xo girewto destê xo. Cinîyê ke vera DAÎŞî şer kenê û qesasê cinîyan genê ewro hetê dewleta tirke ra yenê hedefgirewtene. Qirkerdiş hetê dewleta tirke ra yeno domnayene.''

TJK-Fyî da zanayene ke ê do semedê protestokerdişê qirkerdişî û waştişê statuyê Şingalî vejîyê meydanan û vat: ''Ma do 3ê tebaxe de Fransa de aktîvîteyanê cîya cîyayan bikerê. Çalakîya ma ya Parisî do Meydanê Republique de saeta 18:00 de bêro kerdene. Ma veng danê heme cinîyan ke wa tewrê aktîvîteyan bibê û vera hêrişan vengê xo berz bikerê.''