Hemsereka Pêroyî ya Partîya Herêman ê Demokratîkan (DBP) ya verêne Sebahate Tuncela Zîndanê Qefilnayeyî yê Kandira de avûkatê xo de pêvînayîş kerd, bale ante zetxê zîndanan ser û semedê hîsgêrîye veng da.

Tuncele pêvînayîşê xo de da zanayene ke 28ê temmuze ra nata humaritişî serê sibayî û şane sey sereştişî yenê kerdene û no bi hewayêkê sîstematîkî dewam keno. Tuncele ard ziwan memurî kenê ke provokasyon vejî û seba ke ê 7ê tebaxe de înan vera nê kerdişan nêrazîbîyayîş ramojna ê cayê hewagirewtişî ra pê zorî ameyî berdenê koguşan.

Sebahate Tunce îfade kerd ke înan rê îşkence yeno kerdene û vat mektubê ke înan derheqê na babete Wezîrîya Edaletî rê nuştî ê zî ameyî destsernayene. Tuncele vat înan serdozgerîye de pêhesnayîşê sûcî kerdo.

Tuncele ard ziwan ke pîya bi zêdbîyayîşê hêrişanê nîjadperestan vera înan zî zextî zafêr bîyî û veng da ke wa vera binpaykerdişê heqan hîsgêr bêro têgêrayene.