Têgêrayîşê Cinîyan ê Azadan (TJA) û Meclîsê Cinîyan ê HDPyî dewa Akûma ya Êlihî de bi kombîyayîşê cinîyan startê kombîyayîş û çalakîyan da.

Kombîyayîş de Wekîla HDPyî ya Êlihî Feleknase Uca, aktîvîstê TJA, endamê Meclîsê Mayanê Haştîye, îdarekarê Komeleya Kultur, Yewîye, Paştdayîş û Hetkarîye yê bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER) û xeylêk endamê HDPyî amade bîyî.

Heyetî eşkerayîye ra verî waşt cinîyan reyde bêro têhet la polîs û cendirmeyan rayîrê dewe pê tankan girewt û vat: ''Rewşêka tehlukeyîne esta.''

Heyetî astengî nêşinasnaye û meydanê dewe de cinîyan reyde ame yewca. Xîretê astengîye yê polîsan pê tîlîlî û sloganê 'Cinîye, Cuye, Azadîye' ameyî şermezarkerdene.

Wekîle Feleknase Uca meydan de qisey kerd û vera astengîya polîsan nêrazîbîyayîşê xo mojna. Uca vat: ''Ma ne şima ra ne zî tankanê şima ra tersenê. Ma polîtîkayanê şima yê gemarinan qebul nêkenê. Ma do vera tedayan têkoşînê xo rê dewam bikerê.''

Eşkerayîye ra dima heyet û cinîyan domanan reyde aktîvîteya boyaxkerdişî kerde.