Aktîvîstê Têgêrayîşê Cinîya Azade yê Kurdistanî Uta Schneiderbanger (Nûdeme) û Ekîn Ceren Dogruake (Amara) yê ke 31ê gulan a 2015î de Başûrê Kurdîstan de qezayê trafîkî de şehîd bîyî serrgêra şehadetê înan a 16. de serê goranê xo de ameyî vîrardene.

Serkêşîya Merkezê Têhetameyîşê Cinîyan ê Utamara de bajarê Mulheim Ruhrî yê Almanya de serê gorê Schneiderbangere de atktîvîteya yadkerdişî ameye kerdene.Maye û pîyê Schneiderbangere û embazê ci yê têkoşînî û temsîlkarê meclîsanê cinîyan ê Duisburg û Essenî tewrê yadkerdişî bîyî.

Bi nameyê Utamara Gulîstane Bîngol û Enstîtuya Kurdî ra Avesta Aydin bale ante têkoşînê wird cinîyan ê enternasyonalîstan ser û derheqê têkoşînê cinîyan de qisey kerd. Embaza Uta Schneiderbanger Susanne zî vat seba ke embazê aye wayîrê mîrasê ci vejîyenê ê nayî ra moral genê û rêçê ci de têkoşîn kenê.

Ekîne Ceren Dogruak zî Goristanê Karşiyaka yê Anqara de ameye yadkerdene. Maya ci Hulya û pîyê ci Nusret Dogruak û Parlamentera HDPyî ya Wanî Fatma Kurtulan û rêxistina HDPyî ya Anqara tewrê yadkedişî bîyî. Kurtulane ard ziwan ke hema dejê aye zerrîya înan de yo û vat eke ma têkoşînê înan bidê domnayene ma benê layikê înan. Nusret Dogruakî zî vat kênaya ci têkoşînê embazanê xo de ciwîyena.