Uta Schneiderbanger (Nûdeme) û Ekîne Ceren Dogruak (Amara) yê ke 31ê gulan a 2015î de Başûrê Kurdîstan de qezayê trafîkî de şehîd bîyî serrgêra şehadetê înan a 17. de serê mezelanê înan de  ameye yadkerdene.

Anqara de merdim û embazê Ekîne Ceren Dogruak serê mezelê ci de ameyî têhet. Îdarekarê HDPyî yê bajarî zî tewrê aktîvîteya yadkerdişî bîyî. Qiseykerdişan de ame vatene ke ê do wayîrê têkoşînê  Uta û Amara bivejîye. Badê qiseykerdişan mezelê Ekîne Ceren pê vilikanê babûne ke aye tira zaf heskerdêne ame xemilnayene.

Mulheim Ruhr de serê mezelê Uta Schneiderbanger de aktîvîteya yadkerdişî ameye kerdene. Xebatkarê Merkezê Têhetameyîşê Cinîyan ê Utamara, endamê Boruyê Haştîye yê Cinîyan ê Kurdan CENÎ, endamê Meclîsê Cinîyan ê Asya Yuksel ê Duisburgî û Essen û Dortmund ra xeylêk cinîyî tewrê ci bîyî. Qiseykerdişan de cinîyan vat  têkoşîno ke wird cinîyan ê enternasyonalîstan înan rê sey mîrasî verdayo, ê do biresnê serkewtişî.