Hemsereka PJAKî Zîlane Vejîn derheqê hêrişanê îşxalî yê dewleta tirke yê vera Herêmanê Pawitişî yê Medya û hemkarîya PDKyî de ANFyî rê qisey kerd.

Qiseykerdişê Vejîne bi kilmî wina yo:

''Nê hêrişî parçeyêkê konseptê qirkerdişî yê. Nê hêrişî çar parçeyanê Kurdîstanî hedef kenê. Hêzê hegemonîkî, NATO û PDKyî nê hêrişan de paştî danê dewleta tirke, verê îşxalî akenê. Dewleta tirke seba ke emrê xo derg bikera û bi nê hawayî debikewa 2023yî nê hêrişan kena. PDK zî hemkarîya dişmenî keno. Keyeyê Barzanîyan do netîceya nê tewirê xo yê xayînî de çin bibo. Erdogan û dewleta tirke dişmenê pêro kurdan û pêro Kurdîstanî yê. Ganî pêro kurdî vera nê hêrişan pîya têbigêrê. Wa pêro kurdî hêzê xo yew bikerê, pê eqlê hemparî, pê têkoşîn û xoverdayîşî verê îşxalî bigêrê. No şer şerê merg-mendişî yo. Kurdî ganî goreyê ney têbigêrê.

Dewleta tirke wazena pêro Kurdîstanî îşxal bikera. Eke kurdî û dostê înan nê hêrişan mevindarnê Şorişê Rojawanî do destî ra şoro û Vakur de zulm bizêdîyo. Ganî şarê Başûrî zî hînî pê nê kerdişan bihesîyo. Ciwanê Rojhelatê Kurdîstanî ganî tewrê nê şerî bibê, ganî pêro kesî nê xoverdayîşî de ca bigêrê.  Ma prosesêkê hesasî ra derbaz benê. 2023 de wextê Peymana Lozanî beno temam ke pê na peymane Kurdîstan çar parçe bibi. Ma do 2022 de dewleta tirke bin bikerê. 

Rayber Apo 23 serrî yo vera tecrîdî xo ver dano. Erkê ma yo ke ma tewrê Hemleya Wextê Azadîye bibê. Wa çew mevajo no şer şerê ma nîyo. Sere de ê Rojhelatî ganî pêro partîyê kurdan tewirêkê hîna zelalî bimojnê. Ma do serkêşîuya gerîla û şarî de dişmenî bin bikerê û serkewtişanê pîlan bivisnê destî.''