Cuya her gerîlayêka cinîye de raştîyê bêpeynî aferîyenê. Nê raştî çemanê awa cuye de şîn benê. Serra 2014 de mi verê xo dabi çeperê gerîlayan ê cinîyan Kerkûkî. Mi verê xo dabi vengêkî. Wayîrê nê vengî Gerîla Zozane bîye ke vengê ci de ruhê azadîye estbî. Gerîla Zozana ke pê vengê xo zerrîya merdiman mest kerdêne erdê Kurdîstanî de tewra karwanê bêmergan bîye.

Gerîlaya YJA-Starî Zozane Pelşîn (Şîrîne Başkurt) 2012 de tewra gerîlayan bîye. Verî zî birayê ci tewrê gerîla bibi. Geerîla Zozane hem pê vengê xo, hem pê cuya xo ya pake hem zî pê tewirê xo yê fedakarî zerrîya embazanê xo de ca girewte. Gerîla Zozane wexto ke resaye embazanê xo pê vengê xo yê rindî deyîrî vatêne.

2014 de DAÎŞî hêrişê Kerkûkî kerdbi. Gerîlayanê azadîye yê Kurdîstanî zî seba pawitişê Kerkûkî şer kerd. Gerîlayan destanî nuştêne. Gerîla Zozane zî nê gerîlayan ra yew bîye. Gerîla Zozane Kerkûkî ra heta Mexmûrî vera DAÎŞî rayîrê merdimîye ra şîye. Dima ke tehlukeyê vera Kerkûkî qedîya Zozane newe ra verê xo da koyanê Kurdîstanî.

Zozane Pelşîna ke Botan de gerîla bîye şerê şarî yê şorişgêrî yê vera dewleta tirke de pê rolê rayberîye têgêraye. Hezîrana 2018î de Şirnex de a tewra karwanê bêmergan bîye. Gerîla Zozane do tim pê vengê xo yê rindî gerîla bina. Vengê ci 2014 de Kerkûk de ame qeydkerdene. Gerîlayanê ke vengê Zozane qeyd kerd wina vat: ''Vengê embaze Zozane heta peynî do zerrî û ruhê ma de bibo.''