Meclîsê Cinîyan ê PYDyî vera cînayetanê serê cinîyan komxebatêke kerde. Babeta yewîne ra dima avûkate Atîya Yûsif û Luqman Îbrahîm semînerê bi nameyê 'Vera sûcanê serê cinîyan çareserîya qanûnî' da.

Komxebate Qamişlı de ameye kerdene û xeylêk temsîlkarê dezgehan û rêxistinan, aktîvîstî û cinîyî tewrê ci bîyî.

Avûkate Atîya Yûsif pare kerd ke şîdetê zereyê keyeyî zî sûc o û ganî şîdetkarî hetê komelî ra nêrê efûkerdene. 

Komxebate de nê birî ameyî girewtene:

-Derheqê şîdetê vera cinîyan û tedbîran de û derheqê heqanê cinîyan de ganî çapemenîye bêra ronayene.

-Camêrdî semîneran de bêrê beşdarkerdene.

-Cinîyî wa dînî ser o nêrê kiştene, pêro dînî vera qirkerdişê cinîyan de vindenê.

-Kesê ke nameyê 'şerefî' ser o sûcan kenê bi xurtî bêrê cezakerdene.

-Qanûnê cinîyan ê Îdareyê Xoserî wa bêrê caardene.

-Keyeyê demokratîkî bêrê awankerdene.

-Cewherê Îslamî ser o vilawekî wa bêrê vilakerdene.