Koalîsyonê Rojnamegeran ê Cinîyan (CFWIJ) vera şîdetê polîsan ê serê rojnamegeranê cinîyan kampanayaya îmzayan daye destpêkerdene. Metnê kampanya de ame vatene ke 2021 de polîsanê tirkan 44 rojnamegeranê cinîyan rê şîdet kerd, 13 rojnamegerê cinîyî zî destbend kerdî.

Metn de ame parekerdene ke Tirkîya de şîdetê polîsan ê vera rojnamegeranê cinîyan zêdîya. Metn de wina ame vatene: ''Rewşêka winasêne de ma wazenê rojnamegerê cinîyî wa azad bibê, asayî bibê. Bi etîketê #GuvendeDegiliz (Ma asayî nîyê) destek bidê rojnamegeranê cinîyan, kampanya îmza bikerê.''

Wekîlanê HDPyî Oya Ersoy, Tulaye Hatîmogullari, Filîze Kerestecîgolu Serpîle Kemalbay, Zeynel Ozen û wekîlê CHPyî Alî Şke û Turan Aydoganî, xeylêk avûkatan, aktîvîstan paştî daye kampanya.

Kesê ke wazenê paştîd bidê kampanya eşkenê nê lînkî ra xo biresnê kampanya:

https://docs.google.com/forms/d/e/1FAIpQLSevql6XQ5gRJ7QXYU6cG0OGv5ghmxYDtj9ukVtiHK6MzRgpIQ/viewform