Cinîyê ke serkêşîya TJK- E de verê Parlomentoyê Ewropa de ameyî têhet hêrişê dewlta tirke, PDK û hukmatê Kazimî yê vera Kurdîstanî şermezar kerdî. Cinîyan semedê xurtkerdişê têkoşînî veng da.
Cinîyan ê kurdan û enternasyonalîstan Brukselê Belçîka de serkêşîya TJK- E de verê Parlamentoyê Ewropa de hêrişê îşxalî yê vera Herêmanê Pawitişî yê Medya û Şingalî şermezar kerdî.
Çalakîye de bi nameyê TJK-E Aysele Îrîs, bi nameyê Kongreya Star Ewropa Zozane Derik û binameyê cinîyan ê enternasyonalîstan Sara qisey kerd. Qiseykerdişan de ame vatene ke bi hêrişê îşxalî yeno waştene ke îrade û hêvîya heme cinîyan bêro şiknayene la gerîla, şarê kurdî û dostê înan do nê hêrişî betal bikerê. Cinîyan semedê xurtkerdişê têkoşînî veng da planê dewleta tirke bêrê pûçkerdene. Cinîyan xoverdayîşê gerîlayan selam kerd û ard ziwan ke ê vera şerî haştîye wazenê û semedê nê do têkoşînê xo bidomnê.
