Vervatoxa TJA Gokkane rê cezaya 35 serran ameye waştene

Semedê Vervatoxa TJA Ayşe Gokkan cezaya 35 serran ameye waştene.

Semedê Vervatoxa  Têgêrayîşê Cinîyan ê Azadan (TJA) ya dewrî Ayşe Gokkan cezaya 35 serran ameye waştene.

Roniştişê 21. yê dewaya ke derheqê Gokkane de bi îdîaya îdarekar û endama rêxistine û propagandaya rêxistine ameybî akerdene Meykemeya Cezaya Girane ya 9. ya Amedî de ame kerdene. Gokkana ke ganî bi sîstemê SEGBÎSî tewrê roniştişî bibîyêne bi îdîaya sîstemî de problem esto nêeşkaye tewrê ci bibo. Avûkatê Gokkane Berfîne Gokkan, Ozum Vurgun û Gozde Engîn tewrê mehkeme bîyî.

Destûr nêdîya parlamenterê HDPyî Semra Guzel û Remzîye Tosun, aktîvîstê TJA, endamê Komeleya Cinîyan a Rosa, femînîstê xoserî û merdimê Gokkane debikewê salonê mehkeme.

Dozgerî waşt 16 serran ra heta 35 serran wa ceza bêro dayene. Heyetê mehkeme vat kontrolê edlîyî kêm nêkeno û qerarê dewamê halê tepiştişê Gokkane da. Roniştiş 13ê êlule rê pey de ame eştene.