Vervatoxa  Yewîya Pawitişî ya Cinîyan (YPJ) Ruksene Mihemed derheqê hêrişê dewleta tirke yê vera Rojawanî de ANFyî rê qisey kerd.

Ruksene vist vîrî ke şarê Rojwanî dinya û merdimîye terorê DAÎŞî ra xelisna û hêrsê xo yê vera dewletanê mîyanneteweyîyî wina ard ziwan: ''Şarê herême û şervananê ma bi têkoşînê bêhempa vera terorî şar û dinya pawit û xelisnayî. Ewro Rojawan reyna raştê hêrişê hewayî yeno.  Dewletê mîyanneteweyîyî hema zî vera hêrişanê dewleta tirke bêveng ê. Bêvengîye hemkarîye ya, destûrdayîş o. Dewleta tirke bi heme îmkananê xo yê teknîkî hêrişê Rojawanî kena. No zî mojneno ke Şorişê Rojawanî yo ke sey Şorişê Cinîyan bi namdar rê tehemul nêkena.''

Ruksene Mihemed  vat: ''25ê Teşrîna Peyêne Roja Têkoşînê Vera Şîdetê Serê Cinîyan beno nizdî. Wextê winayên de no hêriş tesaduf nîyo. Slogana Jin Jiyan Azadî  yew paradîgma yew felsefe yo. Fîkrekê azadî temsîl keno.Sere de Rojhilatê Kurdîstanî cinîyî semedê heqîqetî têkoşîn kenê û milê xo çewt nêkenê.''

Ruksene Mihemed wina veng da: ''Dewleta tirke wazena Şorişê Rojawanî çîn bikero. Ganî her kes vejîyo waran, serewedaro û biqîro.  Bitaybetî cinî û ciwanî ganî waran de cewabê xurtî bidê. Semedê pawitişê Şorişê Rojawanî ganî ma bibê yew û vejîyê waran. Dewleta tirke wazenê şaran bitersno û herême veng bikero. Ganî ma bi Şerê Şarê Şorişgêrî vera nê hêrişan vejîyê û qesas bîgêrê. Ma do têkoşînî xurtêr bikerê û ercanê şarî bipawê.''