Welatê Baskî yê Spanya de, dewa Hernanî ya herêma Gipozkoayî de 'Kulturarteko Plaza Feminsta' sey merkezê cinîyan xebatan keno. Merkez de xeylêk odayê xebatan est ê ke sey Odaya Rosa Parks, Odaya Emma Goldman, Odaya Berta Caceres nameyê cinîyan ê serkêş û têkoşêran dîyayê înan.

Endamanê Jineolojî Centerî û xebatkaranê Kuturarteko Plaza Feminista da zanayene ke înan merkez de 'Odaya Sakîne Cansiz' akerda.

Xebatkara Kulturarteko Plaza Feminista Kattalline derheqê babete de qisey kerd û vat: ''Têgêrayîşê Cinîyan ê Kurdîstanî embazê ma yê. Ma têkoşînê înan ra îstîfade kenê. Têkoşînê cinîyan ê kurdan seba ma pêroyînan zaf girîng o. Cansize serkêşanê nê têkoşînê cinîyan ê kurdan ra yew a. Ma do odaya Sakîne Cansiz de hem têkoşînê aye bidê şinasnayene, hem zî cinîyan rê destek bidê.''