Wendekara sinifa 4. ya Beşê Hemşîretîye ya  Zanîngehê Artukluyî yê Mêrdînî Merve Mutluya 21 serre 25ê tebaxe ra nata vînîbîyaye ya.

Merveya ke Amed de ciwîyena 25ê tebaxe saete 10.00 de vat a do semedê stajî şora Mêrdîn û keyeyî ra vejîyaye. Dima Merve ra xeberêke nêameye girewtene. Dîya zanayene ke telefonê Merve zî qefilnaye yo.

Keyeyê Merve muracatê polîsan kerd, semedê kênaya xo îlanê vînîbîyayîşî da la hema zî aqîbetê Merve ser o agahîyêke nêameye destvistene.