Gerîlaya HPJyî Avînare Mîrkan rojbîyayîşê Rayberê Şarê Kurdî Abdullah Ocalanî fîraz kerd û ard ziwan ke fikrê ey heqê merdimîye yê raştikênî pênase keno.

Avînare Mîrkan tecrîdê vera Abdullah Ocalanî şermezar kerd û vat: ''Wezîfeyê ma yo verên vilakerdişê fikr û felsefeya Rayber Apoyî yo. Ganî her însan nê çimeyan ra fayde bigêro û hêz bigêro. Dewleta tirke vera Rayber Apoyî tecrîdêkê giranî kena. 

Ganî na babete de cinî û ciwanî wayîrê fikr û felsefeya Rayber Apoyî vejîyê. Beno ke Rayber Apo zîndanê Îmraliyî de yo la fikrê xi hende azad o ke pêro merdimî eşkenê tira îstîfade bikerê. Fikrê Rayber Apoyî heqê merdimîye yê raştikênî pênase keno.''