Konferansê Cinîyan ê 4. yê Têgêrayîşê Cinîyan ê Azadan (TJA) Êlih de bi şîarê "Em li dijî faşîzmê bi biryar û di azadiyê de bi israr in" ame kerdene. Netîcenameyê konferansî ame eşkerakerdene.

Netîcename wina yo:

''Ma 24-25ê êlula 2022yî de Êlih de bi coşî konferansê xo kerd.Konferansê ma bi şermezarkerdişê qetilkerdişê Jîna Emînî dest pêkerd, xoverdayîşê bi serkêşîya cinîyanê Îranî ame selamkerdene û ma dîyar kerd ke paştî danê înan.

Têkoşînê cinîyan dêsanê bindestîye binî ra lerzneno. Têkoşînê cinîyan hertim beno pîlêr û hîrayêr. Seke serkêşa şorişgêre Roza Luksemburg vatbi 'Seba ke kapîtalîzm est bo ganî keda komelî biwero û kede bikero sermaye.' Na raştîye ewro zî dewam kena. Ewro sîstemê pederşahîye seba berdewamîya xo keda cinîyan weno.Naye rê cewabê ma  pê pîlkerdişê têkoşînê azadîya cinîyan û awankerdişê cuyêka newîye do bibo!

Sey cinîyan têkoşîno ke ma danê hempar bo zî şert û mercê stratejîkî û polîtîkî yê cografyaya ma metod û krîterê têkoşînê ma dîyar kenê. Hişmendîya camêrd-dewlete têkoşînê ciniyan zehmetêr keno. Têkoşîno ke ma kenê ganî îdîaya heq û azadîye ser de dewam bikero. No proses her çiqas serê destkewteyanê kurdan tehlukeyîn bibo zî raştiye de azadîya cinîyan do tede bêra caardene.

Cuya ma ya ke mîyanê şer û pêkewtişan de vurîyena do xo reyde azadîye zî abiaferna.

Azadîya Rayberê Şarê Kurdî û wedaritişê tecrîdî do biba armancê ma. Tecrîd bi hawayêkê îşkenceyê sîstematîkî vera azadîye û têkoşînî de yo. Nika pêro muxalîfî tepişîyenê, zîndanî vurîyayî kampan. Mîyanê komelî de zî polîtîkaya tecrîdî verî vera cinîyan yena caardene. Tecrîdê vera Rayberê Şarê Kurdî Abdullah Ocalanî vera paradîgamaya ey yeno kerdene. Eşkera yo ke bi awankerdişê paradîgmaya demokratîk, ekolojîk û azadîgîrîya cinîyan komelî do azad biba. Konferansê ma şiknayîşê tecrîdî û azadîya Rayberê Şarê Kurdî abdullah Ocalanî keno hedef.''

TJA dewrê neweyî de sey armancanê xo nê çîyî rêz kerdî:

-Têkoşînê vera tecrîdî

-Têkoşînê vera hişmendîya camêrd-dewlete û polîtîkayanê şîdetî

-Têkoşînê vera sîyasetê îşxal û kolonyalîzmî

-Azadîya cinîyan ê tepişteyan

-Têkoşînê vera şerê taybetî

-Têkoşînê ekolojî

-Ekonomîya cinîyan

-Xebata kultur û ziwanî

-Akademîya azadîya cinîyan

-Awankerdişê Torra Paştdayîşê Cinîyan

-Cinîyê Ciwanî