Şaristanê Hesekê ke Konferanso 1. ê Cinîyan ê Armenîyan ê Meclîsê Komelkî yê Armenîyan ê Rojawanî bi şîarê 'Yewîya Cinîyan ê Armenîyan qirkerdişê 107 serran ra dima newe ra gandar bena' ame kerdene. Tewr tay 150 temsîlkarê rêxistin û dezgehê cinîyan ê Rojawanî tewrê konferansî bîyî.

Netîcenameyê konferansî de Yewîya Cinîyan ê Armenîyan a Rojawanî ameye îlankerdene û Anahîde Qesebyan sey sereka yewîye weçînîyaye.

Yewîya Cinîyan ê Armenîyan a Rojawanî bire daye ke nê xebatan bikerê:

-Vera faşîzm, îşxal û emperyalîzmî têkoşîn bêro kerdene

-Seba azadîya cinîyan bingeyê xorêxistinkerdişî de xoverdayîş bêro kerdene.

Netîcename de venga Neteweyanê Yewbîyayeyan (NY) ame dayene ke Qirkerdişê Armenîyan sey jenosîdî qebul bikerê. Netîcename de hêrişê îşxalî yê dewleta tirke zî ameyî şermezarkerdene û venga pêro şaranê herême ame dayene ke wa vera cerganê dewleta tirke yew bibê.

Peynîya konferansî de Anahîde Qesebyan sey sereka yewîye weçînîyaye.