Fermandarîya Qerargehê Merkezî ya YJA-Starî: Ma bi ruhê serkewtişî dest pê serra 2022yî kerd, ma bi ruhê serkewtişî Newroza 2022yî pêşwazî kenê. Ma Newroza Rayberê xo, şehîdan û şarê xo fîraz kenê û veng danê ke adirê Newroze geş bikerê.
Fermandarîya Qerargehê Merkezî ya YJA-Starî bi wesîleya Roşanê Newroze eşkerayîyêke daye.
Eşkerayîye bi kilmî wina ya:
''Ma Newroza bi şîarê 'Wext wextê serkewtişê şerê şarî yê şorişgêrî yo' fîraz kenê. Ma şexsê Mazlûm Dogan, Rehşen û Zekîyeyan de pêro şehîdan bi rêzdarî yad kenê. Ma venga şarê xo danê ke waran de adirê Newroze geş bikero û Şerê Şarî yê Şorişgêrî reyde xo rêxistin bikero û 'her roja newîye' bikero roja serkewtişî. Ma wayîrê tarîxêkê bêhempayî yê ke bi fedakarîyanê rindan û bedelanê giranan ameyo afernayene. Ma bi des hezaran şehîdan rê serra 50. ya Newroze fîraz kenê.
Mazlûm Doganî bi hîrê gilan roşnîye kerde û Zekîye Alkan nê esasî ser de Newroza 1990î de adirê serewedaritişî bedenê xo de geş kerd û mojna ke Kurdîstan de hêvîya azadîye virazîyena. Newroza 1992î de Rehşane Demîrel bedenê xo da adirî ver û îsbat kerd ke çew nêeşkeno verê waştişê azadîye bigêro. Newroza 1994î de Ronahî û Bêrîvane Almanya de mojna ke kurdî do qetî neheqîye qebul mekerê. Newroza 1998î de Sema Yuce adare vurnaye pirdê adirî. Her Newroze Newroza şehîdan a. Her adirê Newroze do bibo nîşaneya perwerîya raştikêne ya şehîdan û Rayberîye.
Me ewro koyanê Kurdîstanî de her ca de cepheyê azadîye de yê. Dişmen 2021 de pê têkoşînê ma qels bi, apey şi. Îqtîdarî her ke zere de teng bi hêrişê Kurdîstanî kerd, polîtîkayê şerî ardî ca. No şer do bibo şero peyên. Çunke hînî dewleta tirke pê gerîlayan nêeşkena. Têna ma vera na dewlete xo ver danê. Wa şarê ma bizano ke heta serkewtişî xoverdayîşî ra ber rayîrêk çin o. Ma soz danê ke dişmenî çin bikerê, tecrîdê vera Rayberîye çin bikerê. Bedelê ci çi beno wa bibo ma do hesabê tecrîdî bipersê. Heta ke azadîya Rayberîya xo bîyarê ca destê ma serê çeke de bibê. Çekê ma seba qedînayîşê tecrîdî, seba qesasê şehîdan do biteqê.
Ma bi ruhê serkewtişî dest pê serra 2022yî kerd, ma bi ruhê serkewtişî Newroza 2022yî pêşwazî kenê. Ma zanenê ke 'teslîmîyet îxanet o, xoverdayîş serfîrazîye ano.' Bi nê şîarî ma venga pêro cinî û ciwanan danê ke tewrê gerîlayan bibê. Şarê ma ganî rêxistinîya xo bikero. Şerê Şarî yo Şorişgêr û gerîlayî do pîya derban bidê dewleta tirke ya kolonyalîste ro. Bi na bawerîye ma şarê xo selam kenê û sond wanenê ke Newrozan de serfîrazîye bîyarê.
Ma Newroza Rayberê xo, şehîdan û şarê xo fîraz kenê û veng danê ke adirê Newroze geş bikerê. Xoverdayîş û têkoşînê ma qasê Kawa qedîm, qasê adirê Mazlûm, Zekîye, Rehşane, Bêrîvane, Ronahî û Sema geş ê. Sondê ma yo ke heta serfîrazîye xoverdayîş geş bikerê.''
