Fermandarîya Qerargehê Merkezî ya YJA-Starî bi wesîleya rojbîyayîşê Rayberê Şarê Kurdî Abdullah Ocalanî eşkerayîyêke weşanaye.

Eşkerayîye bi kilmî wina ya: ''Şexsê da dadîya raybere Dayîke Uweyşe de rojbîyayîşê Rayberê ma pêro dadîyanê şehîdan, dadîyanê gerîlayan û dadîyanê xoverdayoxanê grevê vêşanîye, şarê ma û dostanê ma rê fîraz bo. Ma venga her kesî danê ke wayîrê Rayberîye vejîyo û xoverdayîş pîl bikero. Şermê merdimîye yo ke tek merdimo azad ê dewrê ma Îmrali de tepişîyeno. Ma venga her kesî danê ke dormeyê Rayberîye de bêro pêser, dêsanê Îmraliyî yê ke bîyê dêsê şermî birijno.

Îqtîdarêr AKP-MHPyo ke Garê de derbê pîlî werdî tecrîdê Îmraliyî de israr keno. 8ê Adare û Newroze de sere de cinîyan şarê kurdî cewabê tecrîdê Îmraliyî da û wayîrê Rayberîye vejîyayî. Vera tecrîd û şerê topyekunî ganî ma pê pêro hêzê xo dormeyê Rayberîye de bêrê pêser û dêsanê Îmraliyî birijnê. Sey YJA-Starî vera tecrîdî vengdayîşê ma yo ke çalakîyî do dewam bikerê û ma do serkewtiş de israr bikerê.

Dişmenî her roje koyanê ma danê bombayan ver, daristananê ma vêşnenê, merdimanê ma qetil kenê. Vera ney seba Rojbîyayîşê Rayberîya xo ganî ma Kurdîstan de daran bironê. Her dar do bibab israrê pawitişê cuya fîraze. Eke hewce bibo ma sey gerîlayanê YJA-Starî heta çilka peyêne ya gonîya xo erdê xo awe bikerê û welatê xo bikerê baxçeyê gulan. Ma do tecrîdê Îmraliyî parçe bikerê.''