Fermandarîya Qerargehê Merkezî ya YJA-Starî vera hêrişanê îşxalî yê dewleta tirke eşkerayîyêke daye.

Eşkerayîye bi kilmî wina ya:

''Dewleya tirke ya îşxalkere 23ê nîsane de vera waranê Zap, Avaşîn û Metîna operasyonê bi nameyê 'Pençe-Yildirim' û 'Pençe Şîmşek' dayî destpêkerdene. Vera nê operasyonanê gerîlayanê HPG û YJA-Starî Hemleyê Şorişgêrî yê Bazanê Zagrosî û Cengê Xabûrî dayî destpêkerdene. Dewleta tirke hema binkewtişê Garê ra nêxelisîyaye nika zî  Zap, Metîna û Avaşîn de bi hawayêkê tarîxî bin kewena.

Ma fermandar û şerwananê ke tewrê nê hemleyan bîyî selam kenê û şehîdanê xo bi rêzdarî yad kenê. Kurdîstan de şer her cayî ra vila bîyo, ciwananê ma û şarê ma rê koledarîye û qirkerdiş ameyî ferzkerdene. Ma sey gerîlayan herinda koletîye û bêîradetîye merg weçînenê. Seke ma tarîxê xo ra musayî; ma do xo ver bidê û pê xxoverdayîşî ser bikewê!

Nika Kurdîstan de şerê mendiş û nêmendişî qewimîyeno. Nê operasyonî operasyonê normalî nîyê; operasyonê qirkerdişê kurdan ê. Ma do heta çilka peyêne ya gonîya xo vera operasyonanê îşxalî wurzê ra, qetî xoverdayîşî ra fek vera nêdê û erdê xo nêdê îşxalan. Gerîlayî zerrî û canî ra girêdayîyê Rayberîye, şehîdan û îdeolojîya azadîye yê. Ma nameyê gerîlayanê YJA-Starî soz danê Rayberê xo, şarê xo û şehîdanê xo ke Kurdîstan azad bikerê. Dişmen se keno wa bikero wa ma rayîrê xo anêgêrê.

Ganî şer Kurdîstan de nêmano, her kes destê ci ra çi yeno wa bikero û cuye metropolanê Tirkîya îşxalkeran rê biherimno. Serra 2021î do biba serra azadîye. Ganî Kurdîstan faşîzmî rê bibo goristan, îşxalkerî ganî kuçeyan de bifatisê. Ruho fedayî yê Rayber Apoyî yê Serkewtişê Garê li Zagros, Zap, Metîna, Botan, Amed, Serhed, Dersim û Garzan de pêl bi pêl vila beno.

Ma sey Fermandarîya Qerargehê Merkezî ya YJA-Starî dibare kenê ke tewrbîyayîşê ma yê serra 2021î do serê xeta Zîlane de biba, hêzê ma pêro metodanê cuye û çalakîye ya Zîlane xo rê bikerdê esas û tehlukeyanê vera Rayberê ma û têgêrayîşê ma berteref bikerê.''