Fermandarîya Qerargahê Merkezî yê YJA Starî vat: ''Ma do binê heme şertan de bibê vengê şarê xo û têkoşînê cinîyan û serkewtişê cuya azade aver berê. Ma do şerkerdişî ser bifînê û seserra 21. bikerê seserra cinîyan.''
Fermandarîya Qerargahê Merkezî yê YJA Starî bi wesîleya 8ê Adare Roja Cinîyan ê Kedkeran a Dinya eşkerayîye daye û nê vatî:
''6ê sibate de felaketa erdlerzî dejo pîl şarê ma rê da ciwîyayene. Ma sey Yewîyanê Cinîyan ê Azadan ê YJA Starî pê hîsanê xo yê xorîyan ê welatperîye dejê şarê xo hîs kenê û vanê semedê înşakerdişê cuya newî çîyo ke destê ma ra bêro ma do bikerê. Ma zanê ke têkoşînê yê cinîyan ê azadan eşkeno birînanê şarî bipêşo. Ma şexsê fermandaranê xo yê serkêşan Rayberîne Amed, Evîne Goyî, Rojbîne Dêrsim, Peymane Bagok, Melsa Mûş d û şehîdanê ma yê qehreman de 8ê Adare Roja Cinîyan ê Kedkaran ê Dinya heme cinîyan rê pîroz kenê ke derûdorê têkoşînê Jin, jiyan Azadî de ameyî têhet.
Mas ey hêzanê YJA Starî dejê şarê xo pare kenê û vanê do heta peynî pabesteyê erjanê xo şarê xo bimanê. Rayberîya ma bi vatişê 'zordarîyê merdimê girdî afirneno, ma şerêko şorişgêr ê' bale aneceno muhîmîya şorişê merdimîye ser. Îqtîdarê AKP-MHPyî vera felaketa ke şarî ser ameye, ercê şarî merdimî binpay kerdî. Nê sey eybê seserran tarîx de cayê xo girewt. Nê prosesî de eşkera ame vînayene ke dewlete şarî rê zulmî reva vînena. Îqtîdaro faşîst wazeno ke têkoşînê rêxistinkerdeyî yo ke derûdorê felsefeya cuya azade yê şaran de yeno averşîyayene, biqedîno û sîstemê xo yê faşsîtî bido domnayene. Sîstemê dewlete-îqtîdarî ke dejê erdlerzî ra zî waşt rant bifîno dest, bi dişmenîya vera komelî, xoza arda yew hal ke tede çew nêeşkeno bicîwîyo. Bêşik şarêko bi qirkediş û felaketan rî bir rî yo bê tekoşînê şorişgêrî yewna rayîrê ci çîn o.
Dewleta tirk a îşxalkera ke bi polîtîkayanê qirkerdişî yê vera koyanê Kurdîstanî û gerîlayanê azadîye hêriş kena raştê têkoşînê gerîlayan yena. Serkêşîya hêzanê ma yê YJA Starî de têkoşînê ma yo ke bêmabên dewam keno xeta Gerîlatîya Modernîteya Demokratîke de ver bi serkewtişî aver şino. Vera qerarê vindarnayîşê çalakîyan ê KCKyî dewleta tirke tim hêrişê mewzîyanê gerîlayan kena û çekanê kîmyewîyan şuxulnena. Şarê kurdî yo ke dewlete vatêne 'şaro qedîyaye' dejê tewr pîlî yê tarîxî antî. Cinîyan rixmê heme hêrişan tim erjê merdimîye pawitî. Mas ey YJA Starî sozê afirnayîşê ameyoxê azadî danê. Ma do binê heme şertan de bibê vengê şarê xo û têkoşînê cinîyan û serkewtişê cuya azade aver berê. Ma do şerkerdişî ser bifînê û seserra 21. bikerê seserra cinîyan.''
