Fermandarîya Qerargahê Merkezê YJA Starî bi eşkerayîyêke Endama Eyaletê Gabarî Bêrîtane Nûrhak Çîya (Sultane Dag)  ya ke 23ê hezîrana 2024î de herêma Mawa ya Gabarî de şehîde bîye û Axîne Gabar (Zeynepe Ozkan) ya ke 19ê hezîrana 2024î de herêma Mawa de şehîd bîye, yad kerdî.

Eşkerayîya YJA Starî de ca dîya nînan: ''Ma hermrayanê xo Fermandare Bêrîtane Nurhak Çîya û Axîne Gabar yê ke xeta Şehîde Zîlane de têkoşîn kerdêne, bi mînetî yad kenê.

Fermandare Bêrîtane Nûrhak Çîya ke herra qedîme ya Mêrdînî de ameye dinya 2022 de tewrê refanê azadîye bîye. Bêrîtanê domanîya xo ra heta hela şehadetê xo tim heskerdişê PKKyî zerrîya xo de kirişt. Coka gama ke badê tewrbîyayîşê aye partîya ma de nêzdîbîyayîşê tesfîyekerî ameyî kerdene vera nê tewiro mîlîtanî mojna û têkoşîn kerd.

Fermandare Bêrîtane  hetê îdeolojîkî ra fîkrê Rayber Apoyî wedî û xo hêzdar kerd. Semedê pawitişê erjanê têgêrayîşê ma sey xançera duje bî. Vakurî ra heta Başûr, Rojhilatî her hetê walatî de têkoşîn kerd. A sey cinîya şervane ya kurde pabeteya erjanê ehleqî yê komelî bî. Hemra  Bêrîtane Qendîlî ra heta Zagrosî ûca ra heta Metîna xeta Rayberîye de bîye wayîrê tewirê zelalî û bi tewrbîyayîşê xo paştî daye hemrayanê xo. Semedê Şehîde Bêrîtane şîyayîşê Vakurî, Rayberîye rê dahîna nizdîbîyayîş bi. Aye vatene ke şorişê Kurdîstanî bi xelisnayîşê herra Vakurî eşkeno dest pê bikero. Gabaro ke tim xeyalê ci kerdêne bi sey endama Fermandarîya Eyaletî şîye ûca. Fermandare Bêrîtane 22 serrî semedê ronayîşê cuyeya azade têkoşîn kerd û wayîrê xeyalanê şehîdan vejîyaye. Hemra Bêrîtane qiymet û erjê menga hezîrane reya berz kerd.

Hemraya ma Axîne Gabar Botan de keyeyêkê welatperwerî de ameye dinya  û 2014 de verê xo da koyanê azadan. Hemra Axîne her waro ke tede mende  hêz û moral da embazanê xo. Hemra Axîne bîye mîlîtana şeranê girdan, hemraya rojanê zoran û şorişgêra dewaya Kurdîstanî. Hêz û moralê xo hermayanê xo yê şehîdan ra girewt. Şerê xo yo tewr pîl semedê qesasê înan kerd. Seba ke têkoşînê şehîdan xurt bikero û waştişê înan bîyaro ca şîye Botan.

Bêrîtane û Axîne bi çalakîyanê xo mojna ra senî giredayeyê şehîdan ê. Heskerdişê xo yê Rayber Apoyî bi qehremanîya xo kerd bêmerg û raşt. Tim gêrayî heqîqetî, bi dejê cinîyan kurdan û komelê kurdan hêzdar bîyî, têkoşîn xurtêr kerd. Seba ke cinîyî bixelisîye û bi destê înan cuyeya bîne bêro ronayene tim xebityayî, têkoşîn kerd û şer kerd. Semedê nê ganê xo feda kerd.Ma zî sey hermayanê Bêrîtane û Axîne do şer û têkoşînê înan  do xurtê bikerê û dewaya azadîye ya Kurdîstanî ser bifinê.''