Merkezê Îrtîbatî û Çapemenîye yê HPGyî eşkera kerd ke Endama Fermandarîya Eyaletê Gabarî Bêrîtanê Nûrhak Çîya tewrê kerwanê şehîdan bîye.

Eşkerayîye de nê ameyî vatene: ''23ê hezîrana 2024î de herêma Mawa ya Gabarî de pêkewtişê bi dewleta tirke de û hêrişê hewayî de fermandara ma ya erjîyayîye, cinîya qehremane ya Mêrdînî, Endama Fermandarîya Eyaletê Gabarî Bêrîtanê Nûrhak Çîya hetê nefesê xo yê peyênî xover da û tewrê kerwanê şehîdan bîye..

Hemraya ma Bêrîtane ke waşt bibo layîqê keda  Rayberîye û şehîdanê ma cuyeya xo ya şorişgêrî de sey mîlîtanêka Apoyî û kadroya PKK-PAJKî heme berpirsîyarîyê xo bi serkewtişî ardî ca.

Ma sey hemrayanê aye sere de keyeyê erjîyayeyî yê hemraya xo Bêrîtane rê şarê welatperwerî yê Kurdîstanî serweşîye wazenê û soz danê ke ma do waştişê aye yê Kurdîstanê azadî bîyarê ca. Nasnameyê hemraya ma Bêrîtane Nûrhak Çîya wina yo:

Nameyê Qodî: Bêrîtane Nûrhak Çiya Name û Peyname: Sultane Dag Cayê Bîyayîşî: Mêrdîn Maye-Pî: Fatma–Recep Tarîx û Cayê Şehadetî: 23ê Hezîrana 2024 /Botan

Hemraya ma Bêrîtane herêma Omerya ya Mêrdînî de keyeyêkê welatperwerî de yena dinya û seba ke keyeyê ci mîyanê têkoşînê Kurdîstanî de ca geno rewî ra Partîya ma PKKyî nas kena. Hema panc serrî ya ke dewa ci yena vêşnayene û babîyê ci verê çîmanê înan de raştê îşkenceyê dişmenî yeno. Gama ke dewa ra yenê surgunkerdene a sondê qesasî wenana û vana gerek a sey gerîlayêka agêra dewa xo.

Birayê ci Nurhak-Halit Dag gama ke tewrê refanê gerîlayan beno, no aye ser zaf tesîr keno. Hemraya Bêrîtane 2002 de Wan de tewrê refanê gerîlayan bena. Perwerdeyê xo yê verênî Qendîl de gena û tîya 4 serrî têkoşîn rayra bena. Dima Akedemîya Cinîya Azade ya Şehîd Bêrîtane û Akademîya Leşkerî ya Mahsûm Korkmazî de tewrê perwerdeyî bena. Badê perwerde yî 3 serrî herêma Metîna de, 2 serrî Zagrosan de pratîk rayra bena û xeylêk çalakîyanê serkewteyan de ca gena.

Seba ke birayê ci Nurhak-Halît Dag 2011 de şehîd beno, a zafêr têkoşîn kena û tim wazena şirê Vakurê Kurdîstanî. Bado ke Akademîya PAJKî ya Şehîd Zîlane perwerde vînena şina herêma Heftanînî û tîya 2 serrî  gerîlayanê neweyan û hemrayê ci yê ke akademîya leşkerî de perwerde vînenî, înan rê eleqedar bena. Nê wezîfeyê xo zî bi serkewtişî ana ca û verê dana Vakurê Kurdîstanî ke tim xeyalanê ci de yo.

Pîya bi heme xeyalanê xo yê domanîye şina Gabar û dima ra ravîyarena Kerboranî. Tîya xoverdayîşê xoîdarekerdişî de rolo gird gena xo ser.  Dima ra reyna agêrana Gabarî û ûca ra şina Herêmanê Pawitişî yê Medya. Akademîya Hakî Karerî de perwerde vînena û herêma Metîna de vera îşxalê dewleta tirke têkoşînî rêxistin kena. Dima ra sey Endama Fermandarîya Eyaletê Gabarî agêrana Vakurê Kurdîstanî.''