Fermandarîya Qerargehê YJA-Starî gerîla û fermandarê ke tewrê çalakîyanê Hemleyanê Şorişgêran ê Bazanê Zagrosî û Şehîd Savaş Maraşî bi mesajêkî fîraz kerdî.

Mesaj wina yo:

''Komployo Mîyanneteweyî yê vera Rayberê ma û têgêrayîşê ma pê hêrişanê vera Zap, Metîna û Avaşînî yê 14ê nîsana 2022yî resa safhayêka bîne û 25ê gulane de pê hêrişanê vera Girê FM, Girê Cûdî û Girê Hekarî resa safhayêka newîye.

Nê şerê mendiş û mergî de gerîla û fermandaranê YJA-Starî destpêkî ra nata Cûdî ra heta Kurojahro, Serhed, Çîyareş û Werxelê, her cayê welatî de pê taktîkanê Şerê Şarî yê Şorişgêrî û pê terzê netîcegirewtişî çalakîyê tesîrînî kerdî.

Tewr peyêne 26ê gulane de tunelanê şerî yê Werxelê yê Avaşînî de goreyê vîrameyîşê embaz Cumalî û Çavrêyan, embazanê ma bi metodêkê cîyayî vera vengdayîşê teslîmîyetî yê dişmenî cewabo tewr manadar da û vera dişmenî çekê xo berz kerdî. 28ê gulane de zî şerê tunelan ê Warê Xoverdayîşî yê Şehîd Şahînî de embazanê ma goreyê Hemleya Şorişgêre ya Bazanê Zagrosî hêrişê dişmenî kerd û tunelê şerî dişmenî rê kerdî gor. 27ê gulane de zî embazanê ma Girê FM û Girê Cûdîyî de çarçewa Hemleya Şorişgêre ya Şehîd Savaş Maraşî de û xeta Zîlane de bi fedayîtî şer kerd, rolê xo ardî ca û Tîma Qesasî ya Şehîd Aryana Baran zî helopterêkê Skorskyî ard war. Nê çalakîyê ke yenê manaya perwerîya bi Rayberîye û cuya azade ganî hîna zaf vila bibê û dewam bikerê.

Mê nê terzê xurt û tûjî ra sebeb pêro şerwan û fermandaranê YJA-Starî yê ke tewrê nê çalakîyanê Hemleyanê Şorişgêran ê Bazanê Zagrosan û Şehîd Savaş Maraşî bîyê fîraz kenê. Ma pê bawer ê ke embazê ma naye ra pey zî do nê şerê tarîxî û stratejîkî rê serkêşîye bikerê. Ma înan rê serkewtiş wazenê.''