YJK-E (Yewîya Cinîyanê Kurdan -Almanya) seba 25ê Teşrîna Peyêne ya Roja Têkoşînê Vera Şîdetê Serê Cinîyan beyanatêk da. Beyanatî de ame vatene ke wextê Xoverdayîşê Rûmetî yê Rojawanî rastê  25ê teşrîna peyêne ame û bi na wesîle YJK-E wayanê Mirabelî û Roza Luxemburg yad kena û vat: "Ma xoverdayîşê Sakîna Cansiz a ke Kurdîstanî de nameyê cuya newîye ya û Hevrîne Xelefan reyde bi hûrmetdarîye rîyê xo anê war."

'Wazenê Şoriş Bifetisnê'

YJK-E beyanatê xo de vat: "Dewleta Tirke bi hêrişanê Rojawanî waşt ke şorişê cinîyan bifetisna. 25ê teşrîna peyêne seba ma sey her serre rojêka girînge ya xoverdayîşî ya. Bi yewîya neteweyê kurdan cinîyan reyde bi sloganê Women Defend Rojava-Cinîyî Rojawan Pawenê ma vejîyenê meydanan." YJK-E hêrişanê cinîyanê sûryan û armenan ê Rojawanî û qirkerdişê cinîyanê Efrînî vist vîrî û vat: "Ma soz danê ke vera hêrişanê şorişê cinîyan ma do xoverdayîşê xo bigeşkerdişî dewam bikê."

YJK-E beyanatê xo de tewr peyêne de venga cinîyan da ke çalakîyanê 25ê teşrîna peyêne de pêro cinîyî wa amade bibê û Şorişê Cinîyanê Rojawanî bipawê.