Têgêrayîşê Cinîyan ê Kurdan ê Swîsre (YJK-S) pê şîarê 'Ma do verê hêrişanê îşxalî û qirkerdişê cinîyan xo rêxistin bikerê' şaristanê Zurihî yê Swîsre de kongreya xo ya 7. kerde. Kongre  seba şehîdanê xoverdayîşê Zap, Metîna û Avaşînî pê deqayêkê rêzgirewtişî dest pêkerde.

Kongre de ercnayîşê Rayberê Şarê Kurdî yê serê azadîya cinîyan ameyî pêşkêşkerdene.

Dima Zozane Dêrik qisey kerd û vat: ''Cinîyê kurdî yê azadî 40 serrî yo xeta Rayber Apoyî de şinê û seba pawitişê Kurdîstanî xo ver danê.''

Mayanê Haştîye zî kongre de qisey kerd û dima zî raporê xebatanê 2 serran ame wendene. Kongre de vervatoxê neweyî yê YJK-Syî ameyî weçînayene.

Kongre pê slogananê 'cinîye, cuye, azadîye', 'biciwîyo xoverdayîşê gerîlayan' û 'biciwîyo Serek Apo' qedîyaye.