YJK-Syî kongreya xo ya 7. kerde

Têgêrayîşê Cinîyan ê Kurdan ê Swîsre (YJK-S) Basel de kongreya xo ya 7. viraşte.

Têgêrayîşê Cinîyan ê Kurdan ê Swîsre (YJK-S) Basel de bi şîarê 'Xo ver bidê, rêxistin bibê û azad biciwîyê' kongreya xo ya 7. viraşte. 

Bi desan endamê YJK-Syî, 6 meclîs, 3 komun û 3 înîsîyatîfê cinîyan tewrê kongre bîyî û keyeyê şehîdan Berjîne Zenda, Ronahî, Bêrîvane û Hevrîne Xelef zî kongre de amade bîyî. Kongre dîyarîya  Gulîstane Habeş (Zîlane Rustem), Fatma Tetîk (Mizgîne Botan) û Ekber Abdullah Omer (Rojgirav Laşer) ameye kerdene ke 18ê nîsana 2022yî de Zap de şehîd bîyê.

Kongre de nameyê YJK-Syî ser o Seda Can qisey kerd û vat: ''Cinîyî eşkenê hêrişanê dewleta tirke û PDKyî vindarnê. Nê hêrişî parçeyê planê îmhakerdişê kurdan ê. Erkê ma cinîyan o ke vera nê hêrişan xo ver bidê. Ganî ma her ca de vengê xo berz bikerê.''

Kongre de mesajê Partîya Sosyalîste, Partîya BastA û Yewîya Cinîyan ê Şorişgêran a Swîsre ameyî wendene. Ercnayîşê prosesê sîyasîyî ra dima raporê serre ame wendene û seba koordînasyonê îdareyê YJK-Syî 13 cinîyî ameyî weçînayene.

Kongre pê sloganê 'cinîye, cuye, azadîye' qedîyaye.