Fermandarîya YPJyî ke derheqê hêrişê dewleta tirke yê vera merkezêkê Meclîsê Leşkerî yê Til Temirî de eşkerayîye daye û vat: ''Endama Konseya Leşkerî ya YPJ û QSDyî Fermandare Sosine Bîrhat pîya 3 embazanê ci şehîd bîyî.''

Eşkerayîye de nê ameyî vatene: ''Dewleta tirke vizêr reyna hêriş kerd. Hemrayê ma Sosine, Egîd, Rûbar û Seyfullah ê ke netewa demokratîke înşa kerde û kede daye Şorişê Rojawanî hêriş de şehîd bîyî. Embazanê ma semedê azadîye pê tewirê xo yê zixmî ganê xo feda kerd.

Hemraya Sosine keyeyêko welatperwer ê Efrînî de bîye pîl.  Domanîya xo ra heta hela şehdadetê xo verda îşxalî xover da.  Serranê verêşanan ê Şorişê Rojawanî de cayê xo girewt û têkoşînê xo  bîye mezg û tarîxê şorişî. Fermandara Sosine heme hemleyanê azadîyan ê Şorişê Rojawanî de pê ruhê xoverdayîşî yê cinîya kurde ca girewt. Her hela xo pê têkoşînî ravêrna. Vera DAÎŞî pê fedakarîya pîle semedê şaran têkoşîn kerd. Ma do wayîrê xoverdayîşê Fermandare Sosine Bîrhat vejîyê û Şorişê Rojawanî bipawê.''