YPJ Hesekê ke konferansê xo yê hîrêyînî keno. Endama Fermandarîya Pêroyî ya QSDyî Newroze Ehmeda ke konferans de qisey kerd vat semedê pawitişê cinîyan şaranê herême ganî têkoşîn bêro xurtkerdene.

YPJ Hesekê de bi şîara ''YJP hêzê pawitişê cinîye û welat û qedînayîşê îşxalkarîye yo'' konferansê xo yê hîrêyînî keno. Konferans do hîrê dojî dewam bikero.

Endama Fermandarîya Pêroyî ya QSDyî Newroze Ehmeda ke konferans de qisey kerd verî şehîdî yad kerdî nê vatî: ''Xeyrê fedakarîya pîle ya YPJyî şarê Rojawanî rehet ciwîyeno. Netîceya îradeyê vera zîhnîyetê dewlete-camêrdî nê destkewteyî ameyî destfînayene. No sîstem hema wazeno ke cinîyan û destkewteyanê ci çîn bikero. Gamê ke Rojawan de ameyî eştene ganî dinya ra bêrê vilakerdene. No zî bi averşîyayîşê xebatanê rêxistinkerdişî û xurtkerdişê hêzê leşkerî yê cinîyan û tewrbîyayîşê serfanê YPJyî beno. Hetê bînî ra ganî xopawitişê komelî bêro xurtkerdene. Semedê pawitişê cinîyan û şaranê herême ganî çarçeweya şerê şarî yê şorişgêrî de bêro têgêrayene. Bi nê konferasnî ma wazenê tecrubeyanê xo ra feyde bikerê û xebatanê xo aver bêrê.''