Fermandarîya Pêroyî ya YPJyî da pêhesnayene ke artêşa tirke 30 gulane de Qamişlo de dayo wesayîtêk ro û netîcaya hêrişî de Mizgîne Botan û welapterwere Kesra Melek şehîde bîyî û embazê înan Dîcle Cûdî û Hêvîdare Dirbesîyê birîndar bîyî. YPJyî vat: ''Ma keyeyanê Botane û Melekî rê serweşîye û embzanê xo birîndaran rê zî hûmayî ra şîfa wazenê.''

Eşkerayîya YPJyî wina ya:

''Hêrişê dewleta tirke û çeteyanê ci bêmabên vera Rojawan û Kurdîstanî dewam kenê. Şorişê Rojawanî yo ke serkêşîya cinîyan de ame kerdene û merdimîye çeteyanê DAÎŞî ra xelisna tim hedefê dewleta tirke de yo. Ma sey YPJyî do vera hêrişan û tehdîtan bêveng memanê û bi hewayêkê qerardarî şorişî bipawê û pîlêr bikerê.

Hemra Migîne Botan (Rahîme Xezalî) a ke bajarê Salmasî ya Rojhilatê Kurdîstanî de yena dinya, wextê şerê giranî yê Rojawanî de tewrê refanê YPJyî bena. Hemra Mîzgîne heme cepheyê ke tede têkoşîn est o de ca gena û sey serkêşa îdîeolojîya cinîya azade têkoşîn kena. Ma sey YPJî keyeyê hemra Mizgîne rê serweşîye wazenê û soz danê ke ma do qesasê şehîdan bigêrê. Senî ke hemra Mizgîne semedê pawitiş û pîlkerdişê Şorişê Rojawanî şer kerd, ma zî do vera heme hêrişanê vera şoriş, herre û estbîyayîşê xo têkoşîn bikerê. Ganî şarê ma zî her wextî ra zafêr rolê xo bîyaro ca û wayîrê şorişî vejîyo.

Nasnameyê şerwana YPJyî Mîzgîne Botan wina yo:

Nameyê Qodî: Dr. Mizgîne Botan

Name û Peyname:  Rahîme Xezalî

Nameyê Maye: Sureya

Nameyê Pîyî: Îsmaîl

Tarîx û  Cayê Bîyayîşî: 1989-Selmas

Tarîx û Cayê Şehadetî: Qamişlo-30.05.2022''