Fermandarîya Pêroyî ya YPJyî bi beyanatêkê nuştekî 5 şehîdê YPJyî yê Xoverdayîşê Rûmetî yad kerdî û nê pare kerdî:

"Ma şexsê şehîde Zenûbîya, Silava, Nûda, Aryene û Avaşîne de şehîdê Xoverdayîşê Rûmetî û domanê ke Til Rifatî de netîceyê hêrişêkê xidarî de şehîd bîyî bi rêzdarî yad kenî. Çêrîye û ruhê fedaî yê şehîdan ê Şorişê Azadîye reyde ma reyna sozê xo yê qesasî diibare kenê. Ma dejê keyeyanê 12 embazanê xo û keyeyanê domananê ke ameyî qetilkerdene pare kenê û seba nînan serweşîye wazenê.

Dewleta tirke ya îşxalkere û cergê aye 9ê teşrîna verêne ra nata îşxalê xo yê faşîst dewam kenê. Bi hemkaranê xo plan kenê ke Sûrîye qir bikê û pêro erjan gemarin bikê. 

Embaza ma Zenûbîya Minbicî ra bîye. Embaza ma Zenûbîya netîceyê qirkerdişê keyeyê ci de tewrê YPJyî bîye. Bi kede û fedakarîya xo şerê Xoverdayîşê Rûmetî de ca girewt û bîye sembol û raybera têkoşînî. Embazê ma Nûda embazêka erebe bîye û serra xo ya qijkeke de tewrê terefê ma bîye û seba ke xo biresna kesayeta cinîya azade her tim têgêrîyaye û kedêka pîle daye. Embaze Aryene, Silava û Avaşîne Serê Kanîyê de şerê Xoverdayîşê Rûmetî de bîyî wayîrê kede û fedakarîyanê pîlan. Nê embazanê ma rêçê şehîde Zîlane Efrîn ser o ruhê qesasî pîl kerd.

Hînî şorişê ma şexsê cinîyan ê kurdan û ereban de yewîya waye û biratîya ereban û kurdan geş kerde. Na raştîye bi sayê şehîdan vejîyaye meydan. 

Sey taqîbkerdoxanê xeta şehîdan seba ke ma hewn û xeyalanê şehîdanê ma yê yewîya şaran mende bikê ma do têkoşînê xo dewam bikê. Her şehîde qerardarîya ma ya têkoşînî xurtêr kena. Nê esasan ser o ma reyna şexsanê 5 embazanê ma yê cinîyan de embazanê xo, şehîdê Xoverdayîşê Rûmetî û pêro şehîdanê azadîye bi rêzdarî yad kenê. Ma keyeyanê înan rê, şarê ma yê Efrînî rê û pêro şarê ma yê xoverdayoxî yê Vakur û Rojhelatê Sûrîye rê serweşîye wazenê."