Yewînanê Pawitişê Cinîyan (YPJ) bi eşkerayîya nuştekîye da pêhesanyene ke hîrê şerwanê înan hêrişê dewleta tirke de şehîd bîyî û nasnameyê înan eşkera kerdî.

YPJyî vat: ''20ê nîsane  2022yî de hemrayê ma Dilare, Ronahî û Kobanî gama ke Kobanê de serê wezîfeyê xo de bî raştê hêriş SÎHAyanê tirkan ameyî û nê hêrişî de şehîd bîyî. Endama Fermandarîya YPJyî ya Kobanê embaze Dilare Haleb 2012 de, embaza ma Ronahî Kobanê 2014 de û embaze Kobanî zî 2020 de tewrê sefanê têkoşînî bîyî û semedê xelisnayîşê  erd û şarê xo keda pîlî daye. Ma keyeyanê şehîdanê xo rê serweşîye wazenê. Senî ke ma heta ewro gonîya şehîdanê xo erdî de nêverdaye, nika zî ma do qesasê embazanê xo bîgêrê. Ma veng danê şarê xo ke wa wayîrê şehîdan û ercanê şorişî vejîyo. Ma do sey şerwanan û şarî pîya bi şerê şarî yê şorişgêrî verê hêrişanê qirkerdişî bigêrê û Kurdîstanî azad bikerê.''

Eşkerayîye de nasnameyê şehîdan zî wina ameyî dayene:

Nameyê Qodî: Dîlare Heleb

Name û Peyname: Ranya Henan

Nameyê Maye:Necah

Nameyê Pîyî:Remzî

Cayê Bîyayîşî: Efrîn - 2988

Tarîx û Cayê Şehadetî: Kobanê- 20.04.2022

 

Nameyê Qodî: Ronahî Kobanê

Name û Peyname: Rodîne Ebdilqadîr Mihemed

Nameyê Maye:Emîne

Nameyê Pîyî:Ebdilqadîr

Cayê Bîyayîşî: Kobanê-1996

Tarîx û Cayê Şehadetî: Kobanê- 20.04.2022

Nameyê Qodî: Koban

Name û Peyname: Cîhane Nîdal El

Nameyê Maye: Celîla

Nameyê Pîyî:Nîdal

Cayê Bîyayîşî: Kobanê-2003

Tarîx û Cayê Şehadetî: Kobanê- 20.04.2022