Komxebata Meclîsê Cinîyan ê PYDyî Sanola Zana ya Qamilşloyî de ameye ekrdene. Pîya bi temsîlkaranê PYDyî temsîlkarê dezgehanê cinîyan, temsîlkarê dezganê sîvîl û bawerî, ciwan, sîyasetmedarî û roşnvîrî tewrê ci bîyî.

Beşê verênî yê komxebatî şîdeto ke binê nameyê dîn û komelî de vera cinîyan yeno kerdene, gerîya dest.

Endama Komîteya Hemserekîye ya PYDYî Foza Yusifa ke komxebate de qisey kerd ard ziwan ke cinîyî bi zîhnîyetê camêrdê serdestî binê nameyê orf edatan de yenê qetilkerdene. Yusife nê vatî: ''Ma ewro ameyî têhet ke ma derheqê wezîfeyanê xo de munaqeşe bikerê. Ganî ma zîhnîyetê camêrd-dewlete ra bixelisîyê. Cinîyî yenê qetilkerdene. Vera nayî bêvengmendiş şermo pîl o. Ganî ma xo rê persanê raştan bipersê. Ma senî ciwîyenê? Ma senî eşkenê ameyoxî înşa bikerê? Ganî ma cewabê nînan bivinê. Çunke şorişê cinîyan bi nê persan dest pêkeno.''

Yusife bale atne rolê cinîyan ê Şorişê Rojawanî yê 19ê Temmuze ser û vat: ''Cinîyan semedê pawitişê komelî û înşakerdişê cuyêka azade bianore fedakarîya pîle kerde. Semedê înşakerdişê cuya azade  ganî ma goş bidê ercnayîşanê Rayber Abdullah Ocalanî yê derheqê seyyewbînîya cinî-camêrdî. Seba ke verê sûcanê vera cinîyan bêro girewtene ganî her hetî ra tewiro xurt bêro ramojanyene.''